50-ամյա տղամարդը վիճաբանության ժամանակ դանակահարել էր 61-ամյա ընկերոջը

Փետրվարի 28-ին ոստիկանության Նուբարաշենի բաժանմունք հաղորդում էր ստացվել շտապօգնությունից. Նուբարաշեն թաղամասում օգնություն էին ցույց տվել 61-ամյա մի տղամարդու, սակայն թիկունքին կտրած-ծակած վերքեր ստացած տղամարդը հրաժարվել էր հոսպիտալացումից:
Ոստիկանության Էրեբունու բաժնի և Նուբարաշենի բաժանմունքի ծառայողները ձեռնարկած միջոցառումների արդյունքում պարզել էին, որ ահազանգից մեկ ժամ առաջ տեղի ունեցած վիճաբանության ժամանակ տղամարդու թիկունքին դանակի երեք հարված էր հասցրել նրա 50-ամյա ընկերը, ինչից հետո դանակահարված տղամարդը բահով խփել էր նրա գլխին:
Ի վերջո, դանակահարվածը տեղափոխվել էր «Էրեբունի» բժշկական կենտրոն:
Դեպքի առթիվ նախաձեռնվել էր քրեական վարույթ:
Ոստիկանության Նուբարաշենի բաժանմունքի ծառայողների ձեռնարկած միջոցառումների շնորհիվ մարտի 5-ին դանակահարողը հայտնաբերվեց, ձերբակալվեց և տեղափոխվեց բաժանմունք: Անձնական խուզարկությամբ նրա մոտ հայտնաբերվեց հանցագործության գործիք դանակը:
Նախաքննությամբ հանգամանքները պարզվում են: