Հարևանների վեճն ավարտվել էր դանակահարությամբ
![Հարևանների վեճն ավարտվել էր դանակահարությամբ Հարևանների վեճն ավարտվել էր դանակահարությամբ](/timthumb?src=/resources/police/img/news/big/1685344020-7273.jpeg&q=75&w=780&wm=1)
Մայիսի 27-ին, ժամը 22.50-ին, հիվանդանոցից ոստիկանության Էրեբունու բաժին հաղորդում էր ստացվել, որ որովայնի թափանցող վնասվածքներով բուժօգնության է տեղափոխվել 34-ամյա տղամարդ:
Էրեբունու բաժնի քրեական հետախույզներն ու համայնքային ոստիկանները ձեռնարկած օպերատիվ-հետախուզական միջոցառումների շնորհիվ պարզել են, որ ժամը 22.00-ի սահմաններում Վարդաշենի 6-րդ փողոցի շենքերից մեկում տեղի ունեցած վիճաբանության ժամանակ հիվանդանոց տեղափոխվածին մարմնական վնասվածքը պատճառել էր նույն շենքի 24-ամյա բնակիչը: Բացատրական աշխատանքի շնորհիվ մայիսի 28-ին, ժամը 02.15-ին, նա ներկայացել է քննչական բաժին և տվել խոստովանական ցուցմունք:
Նախաձեռնվել է քրեական վարույթ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: