Դանակահարություն Վարդենիսում

Հունվարի 26-ին՝ ժամը 22.10-ին, բժշկական կենտրոններից մեկից ոստիկանության Վարդենիսի բաժնում հաղորդում է ստացվել, որ նույն օրը «որովայնի առաջնային պատի կտրած-ծակած թափանցող վերք» ախտորոշմամբ իրենց մոտ է տեղափոխվել մի տղամարդ:
Ոստիկանության Վարդենիսի բաժնի և Վարդենիսի ռազմական ոստիկանության բաժնի ծառայողները օպերատիվ-հետախուզական միջոցառումների շնորհիվ պարզել են, որ հունվարի 26-ին՝ ժամը 18-ի սահմաններում, Վարդենիսի ռեստորանային համալիրներից մեկում տեղի է ունեցել վիճաբանություն, որի ժամանակ ռեստորանային համալիրի դիմաց Հայկ Հ.-ն դանակով հարվածել է տղամարդուն՝ պատճառելով վնասվածք:
Ձեռնարկվում են միջոցառումներ Հայկ Հ.-ին և հանցագործության գործիք դանակը հայտնաբերելու ուղղությամբ:
Փաստի առթիվ հարուցվել է քրեական գործ:
Կատարվում է քննություն:

***

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: