Ոստիկանները «Զվարթնոց» օդանավակայանում տղամարդու մոտ դանակ են հայտնաբերել

Հունիսի 1-ին, ժամը 12.40-ին, ՀՀ ՆԳՆ ոստիկանության Երևան քաղաքի վարչության «Զվարթնոց» օդանավակայանի գծային բաժնի ծառայողները, սառը զենք կրելու կասկածանքով, օդանավակայանի մեկնման սրահից գծային բաժին են տեղափոխել ՌԴ քաղաքացի, 48-ամյա տղամարդու: Նրա ձեռքի պայուսակի խուզարկությամբ հայտնաբերվել է 9 սմ շեղբի երկարությամբ գաղտնի փականով դանակ:
48-ամյա տղամարդը ներկայացվել է նախաքննական մարմին:
Նախաձեռնվել է քրեական վարույթ: