Այրված ավտոմեքենայի սրահում դիակ է հայտնաբերվել

Հոկտեմբերի 24-ին, ժամը 13.45-ին, ոստիկանության Կոտայքի բաժնում հաղորդում է ստացվել, որ Գաջի գործարանից Ջրվեժ տանող ճանապարհի 3-րդ կմ-ին ավտոմեքենա է ընկել ձորը, այրվում է և մեքենայի սրահում դիակ կա:
Մեկնած օպերատիվ խումբը պարզել է, որ Աբովյան-Մասիս ճանապարհին՝ հողակտորներից մեկի հարակից տարածքում, անհայտ պայմաններում հրդեհվել է «Միցուբիշի ԻՕ» մակնիշի ավտոմեքենա, որը պատկանում է Երևան քաղաքի Կուզնեցով փողոցի 5 շենքի բնակչուհի Գայանե Մարտիրոսյանին:
Ավտոմեքենայի սրահում հայտնաբերվել է սեռը և անձը չպարզված այրված դիակ:
Նշանակվել են համալիր փորձաքննություններ:
Ձեռնարկվում են միջոցառումներ անհայտ անձի ինքնությունը և դեպքի հանգամանքները պարզելու ուղղությամբ:
Կատարվում է քննություն: