Հայտնաբերվել է փետրվարի 22-ից որպես անհետ կորած որոնվող 56-ամյա տղամարդու դիակը

Ապրիլի 20-ի ժամը 9.30-ին ՆԳՆ ոստիկանության Կոտայքի մարզի օպերատիվ կառավարման կենտրոն զանգած քաղաքացին հայտնել էր, որ Աբովյան-Նուբարաշեն ճանապարհին՝ Ջրվեժի ձորի մոտ, նկատել է տղամարդու դիակ:
Մեկնած ոստիկանության Կոտայքի բաժնի օպերատիվ խումբը Ջրվեժ գյուղից Նուբարաշեն տանող ճանապարհի հարակից դաշտում՝ ծառի տակ, հայտնաբերել է Երևանի բնակիչ 56-ամյա Արթուր Մակաչյանի դիակը՝ կենդանիների կողմից հոշոտված վիճակում:
Ձեռնարկված օպերատիվ-հետախուզական միջոցառումների շնորհիվ պարզվել է, որ Արթուր Մակաչյանը փետրվարի 22-ից որպես անհետ կորած որոնվում էր ոստիկանության Կենտրոնական բաժնի կողմից: