Դիտեք «Կիրակնօրյա հերթապահ մաս» հաղորդաշարի հոկտեմբերի 13-ի թողարկումը
14.10.2013 09:42
Համակարգի լրատու
![Դիտեք «Կիրակնօրյա հերթապահ մաս» հաղորդաշարի հոկտեմբերի 13-ի թողարկումը Դիտեք «Կիրակնօրյա հերթապահ մաս» հաղորդաշարի հոկտեմբերի 13-ի թողարկումը](/timthumb?src=/resources/police/img/news/big/1381729452,5591.jpeg&q=75&w=780&wm=1)
- Գողությունների բացահայտման խոչընդոտներից մեկն էլ այն է, որ ոստիկանները պարզապես տեղյակ չեն լինում հանցագործությանը: Դեռ շատերն են, որ հատկապես թեթև կորուստների դեպքում նախընտրում են հայտարարություն չտալ: Ու մտահոգությունը ոչ միայն ձու գողացողի ձիագողությունն է: Լինում է նաև այնպես, որ բացահայտումից հետո մեկ հանցավոր խմբի արարքները թվարկելը միայն ամբողջ հաղորդում կարող է տևել:
- Շատերը զարմանում են, լսելով, որ մեր հանրապետությունում դեռ գոյություն ունեն ուսումնարաններ: Կարծես հնի մնացուկ լինի, խորհրդային տարիներից մնացած մի բան` պրոֆտեխուսումնարան: Բայց պարզվում է` ոչ միայն կան ու գոյատևում են, այլև բարգավաճում են այնքան, որ դրանցում կարող են կատարվել յուրացումներ ու վատնումներ:
- Հանցագործի պատիժը իրավապահների աշխատանքի տրամաբանական ավարտն է: Իսկ եթե բացահայտումից հետո հանցագործները խուսափել են դատարանի առաջ կանգնելուց` ուրեմն մի մեծ ու կարևոր բան մնացել է առկախ: Հանցավոր մտադրություն ունեցող յուրաքանչյուր ոք պետք հաստատ համոզված լինի, որ վաղ թե ուշ կրելու է արժանի պատիժը: Այսօր ամեն ինչ արվում է պատժի անխուսափելիության գաղափարը կյանքի կոչելու համար, դա է նաև ամենաարդյունավետ պրոֆիլակտիկան, և այս հավատամքով է աշխատում հայ ոստիկանը:
- Հոկտեմբերի 11-ին ոստիկանության Երևան քաղաքի վարչության պետ, ոստիկանության գնդապետ Աշոտ Կարապետյանի նախաձեռնությամբ ոստիկանություն ՊՊԾ գնդում անցկացվեց ծառայողների հերթական ստուգողական զորավարժությունը: Նպատակը հատուկ ջոկատի կիրառումն էր զանգվածային անկարգությունների կանխման և խափանման հատուկ օպերացիաներում:
- Զենքն ու զինամթերքը տեղով վտանգ է, հատկապես խաղաղ պայմաններում, երբ մարդու զգոնությունը այդ հարցում գրեթե բացակա է: Հատկապես վտանգավոր է ապօրինի պահվող զենք-զինամթերքը: Սա արդեն ոչ միայն կրակել-տրաքելու առումով. հիշեցնենք, ապօրինի զենք ու զինամթերք պահողի համար քրեական օրենսգիրքը հատուկ հոդված ունի:
- Սպորտային միջոցառումների անցկացման 2013 թվականի օրացուցային պլանի համաձայն հոկտեմբերի 9-ից 11-ը ոստիկանության հրազգարանում անցկացվեց ոստիկանության ծառայողների եռամարտի առաջնությունը: