Դիտեք «Կիրակնօրյա հերթապահ մաս» հաղորդաշարի հուլիսի 14-ի թողարկումը
15.07.2013 09:43
Համակարգի լրատու
![Դիտեք «Կիրակնօրյա հերթապահ մաս» հաղորդաշարի հուլիսի 14-ի թողարկումը Դիտեք «Կիրակնօրյա հերթապահ մաս» հաղորդաշարի հուլիսի 14-ի թողարկումը](/timthumb?src=/resources/police/img/news/big/1373867276,9163.jpeg&q=75&w=780&wm=1)
-Հուլիսի 9-ի երեկոյան Գյումրիում դարձյալ կրակոցներ հնչեցին: Կրակոցներ, որոնք, չնայած հարուցած աղմուկին, ոչ մի ենթատեքստ էլ չունեին, պարզապես, մեր հասարակության մեջ կան մարդիկ, ովքեր կորցրել են իրար լսելու, միմյանց հանդեպ հանդուրժող լինելու ունակությունը: Մանավանդ, երբ խոսքը փողին է վերաբերվում:
-2010 թ. օգոստոսի 29-ին Սյունիքի մարզի քննչական բաժնում քրեական օրենսգրքի 112-րդ հոդվածի 2-րդ մասի 14-րդ կետով հարուցվել էր քրեական գործ. դիտավորությամբ ծանր վնաս էին պատճառել Գրիգոր Պապյանի առողջությանը, ինչի հետևանքով ավելի ուշ նա մահացել էր:
Կատարվել էր նախաքննություն: Թվում էր, թե ամեն ինչ արվել էր ինչպես որ հարկն է, գործը մտել էր դատարան, սակայն...
-Ոստիկանության օպերատիվ ամփոփագրերի թեթևակի զննումն էլ բավական է նկատելու, որ հենց տաքսիստներն են ավելի հաճախ հայտնվում տուժողի դերում:
-Ուղևորատար տրանսպորտի աշխատանքը միշտ էլ գտնվել է ոստիկանության, հատկապես ճանապարհային ոստիկանության ուշադրության կենտրոնում: Պատճառն այն է, որ այդ ոլորտում տեղ գտած փոքրիկ թերությունն անգամ կարող է լրջորեն վտանգել բոլորիս կյանքը: Եվ ինչքան էլ շատանան երթուղային ու սովորական տաքսիները` երբեք չի կարելի թուլացնել հսկողությունը այս ծառայությունների նկատմամբ: Առաջին վերահսկողն էլ հենց իրենք պետք է լինեն, ծառայությունների ղեկավարներն ու աշխատողները:
-Ապօրինի պահվող զենք-զինամթերքի, ավելի ճիշտ` դրա վտանգավորության մասին այնքան շատ է խոսվել, որ թեմային կանդրադառնանք միայն մեկ հիշեցմամբ. նման զենքի կամավոր հանձնումը ազատում է քրեական պատասխանատվությունից: