Դիտեք «Կիրակնօրյա հերթապահ մաս» հաղորդաշարի նոյեմբերի 10-ի թողարկումը
11.11.2013 11:08
Համակարգի լրատու
![Դիտեք «Կիրակնօրյա հերթապահ մաս» հաղորդաշարի նոյեմբերի 10-ի թողարկումը Դիտեք «Կիրակնօրյա հերթապահ մաս» հաղորդաշարի նոյեմբերի 10-ի թողարկումը](/timthumb?src=/resources/police/img/news/big/1384153957,6924.jpeg&q=75&w=780&wm=1)
- Վիճել ու վիճաբանել միշտ էլ կարելի է, ի վերջո` վեճերում է ծնվում ճշմարտությունը: Սա այն դեպքերում, երբ ներկա է բանականությունը: Սակայն լինում են վեճեր, երբ ոչ միայն ճշմարտություն չի ծնվում, այլև լրջորեն վտանգվում է վիճողների կյանքը: Մի այդպիսի վեճ էլ եղավ Արմավիրի գյուղերից մեկում:
- Թմրամոլության և թմրամիջոցների անօրինական շրջանառության դեմ պայքարի մի դրվագ էլ արձանագրվել է Սպիտակում: Թմրամոլին հատուկ «միամտությամբ» կասկածյալը սկզբում համոզել էր ոստիկաններին, թե իր մոտ հայտնաբերված դեղնականաչավուն զանգվածը… թեյ է:
- Սպանություն էր կատարվել, Նոր Նորքի ոստիկաններն էլ, նաև համագործակցելով այլ ծառայությունների հետ, բացահայտել են հանցագործությունը: Սակայն կասկածյալը մեկնել է Մոսկվա, խուսափել պատժից: Կազմվել է հետախուզական գործ, և համոզված ենք, որ մի օր էլ տեսանյութ ենք պատրաստելու սպանության գործով հետախուզվողին հայտնաբերելու և էքստրադիցիայի ենթարկելու մասին. սա է վկայում փորձը:
- 2013 թվականի առաջին վեց ամսում հանրապետությունում գրանցվել է ընտանեկան բռնության 339 դեպք: 191 անգամ ամուսինն է բռնացել կնոջը, յոթ անգամ` հակառակը: Գրանցվել է ծնողի կողմից զավակին բռնության ենթարկելու 16 դեպք, 47-ում ծնողն է դարձել զավակի բռնության զոհ: Նույն ժամանակահատվածում ոստիկանություն է դիմել մոտ երկու հազար կին` ներկայացնելով դիմում-բողոք իրենց նկատմամբ կատարված բռնության վերաբերյալ:
- Նոյեմբերի 8-ին ոստիկանության Նոր Նորքի բաժնի անչափահասների գործերով բաժանմունքի նախաձեռնությամբ համայնքի ավագ դպրոցների մի խումբ աշակերտներ այցելեցին պետական սահման:
- Այսօր հատկապես քաղաքային կյանքը պատկերացնել առանց մեքենաների` անհնար է: Տնից դուրս գալիս բոլորս էլ դառնում ենք երթևեկության մասնակից` վարորդ, ուղևոր կամ հետիոտն, իսկ սա նշանակում է, որ երթևեկության անվտանգության հարցում բոլորիս վրա էլ ընկնում են որոշակի պարտավորություններ: Իհարկե, ամենամեծ պարտավորությունն այս հարցում ընկած է ճանապարհային ոստիկանության ուսերին, որի կազմակերպած հերթական ստուգայցի գերխնդիրն էլ անվտանգությունն էր: