Դիտեք «02» հաղորդաշարի նոյեմբերի 29-ի թողարկումը

30.11.2013 10:36 Համակարգի լրատու

- Նոյեմբերի 26-ին և 27-ին Երևանում տեղի ունեցավ ոստիկանության բարեփոխումներին նվիրված միջազգային համաժողով, որը կազմակերպել էր ԵԱՀԿ Երևանյան գրասենյակը` ԵԱՀԿ անդրազգային սպառնալիքների բաժնի և Հայաստանի ոստիկանության, ինչպես և Զինված ուժերի ժողովրդավարական վերահսկողության Ժնևյան կենտրոնի հետ համագործակցությամբ:

- Համակարգային բարեփոխումներ ասելով անպայմանորեն հասկացվում է նաև ոստիկանների աշխատանքային պայմանների բարելավում: Օրերս այս առումով ևս գրանցվեց մեկ առաջընթաց քայլ:

- Ոստիկանության Երևան քաղաքի վարչության քրեական հետախուզության բաժնում օպերատիվ տվյալներ էին ստացվել թմրամիջոցների անօրինական շրջանառության վերաբերյալ: Տվյալներն, իհարկե, իրացվեցին, ու բանը հասավ կասկածյալի բնակարանի խուզարկությանը, որի ընթացքում հայտնաբերվածը պետք է զարմացներ նաև փորձառու հետախույզներին:

- Հանցագործության բացահայտման աշխատանքը կարող է մնալ անարդյունք, և նման դեպքերում քրեական գործի վարույթը կասեցվում է: Բայց կասեցում դեռ չի նշանակում, թե ոստիկաններն այլևս ոչինչ չեն ձեռնարկում հանցագործության բացահայտման ուղղությամբ: Ընդհակառակը, այսօր, ավելի քան երբևէ, կարևորվում է նախկինում կատարված հանցագործությունների բացահայտումը, որը պատժի անխուսափելիության գաղափարը կյանքի կոչելուց զատ լուծում է նաև կանխարգելման խնդիր:

- Օրերս ոստիկանության մարտական և ֆիզիկական պատրաստականության բաժնի աշխատակիցներն այցելել էին ԿՀԴՊ գլխավոր վարչություն` ուսումնասիրելու ենթակա ստորաբաժանումների ծառայողների մարտական, ֆիզիկական պատրաստականության մակարդակը և ֆիզպարապմունքների անցկացման ու կազմակերպման գործընթացը:

Դիտեք «02» հաղորդաշարի նոյեմբերի 29-ի թողարկումը

ՀԻՄՆԱԿԱՆ