Դիտավորությամբ առողջությանը ծանր վնաս պատճառելու մեղադրանքով հետախուզվողը Բուխարեստից տեղափոխվեց Երևան

Օգոստոսի 4-ին, ժամը 00.30-ին, ոստիկանության քրեական հետախուզության գլխավոր վարչության և ՀՀ-ում Ինտերպոլի ԱԿԲ-ի ծառայողների համատեղ օպերատիվ խմբի կողմից, Բուխարեստ-Մոսկվա-Երևան չվերթով ՀՀ է տեղափոխվել Մոլդովայի Հանրապետության քաղաքացի, 1976 թ. ծնված Վասիլե Գ.-ն, որը 2017թ. մայիսի 19-ից ոստիկանության Վաղարշապատի բաժնի կողմից հետախուզվում էր ՀՀ քրեական օրենսգրքի 112 հոդվածի (դիտավորությամբ առողջությանը ծանր վնաս պատճառելը) 1-ին մասի մեղադրանքով: