Դրամապանակը գողացել էր թիվ 66 երթուղու ավտոբուսում
![Դրամապանակը գողացել էր թիվ 66 երթուղու ավտոբուսում Դրամապանակը գողացել էր թիվ 66 երթուղու ավտոբուսում](/timthumb?src=/resources/police/img/news/big/1513848042,8857.jpeg&q=75&w=780&wm=1)
Դեկտեմբերի 20-ին, ժամը 19.20-ին, ոստիկանության Երևան քաղաքի վարչության գրպանահատության դեմ պայքարի բաժանմունքի և Քանաքեռ-Զեյթունի բաժնի ծառայողները Երևանի Դավիթ Անհաղթի փողոցի 6 հասցեում գործող խանութի մոտից, գողություն կատարելու կասկածանքով, բերման են ենթարկել 1987 թ. ծնված Ռուստամ Մ.-ին, ում մոտից խուզարկությամբ հայտնաբերվել է կանացի դրամապանակ, որի մեջ եղել է գումար: Ռուստամ Մ.-ն խոստովանական բացատրություն է տվել, որ դրամապանակը գողացել է նույն օրը, ժամը 18.00-ից 19.00-ն ընկած ժամանակահատվածում, թիվ 66 երթուղու ավտոբուսի սրահում, մի կնոջ պայուսակից:
Ոստիկանության ծառայողները պարզել են, որ տուժողը 1960 թ. ծնված Էմմա Վ.-ն է:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: