Միջոցառումներ՝ Երեխաների պաշտպանության միջազգային օրվա առթիվ

Հունիսի 1-ը Երեխաների պաշտպանության միջազգային օրն է։ Ավանդույթի համաձայն՝ փոքրիկների օրն անմոռանալի են դարձնում նաև ոստիկանները։ Հունիսի 1-ին մի խումբ երեխաներ ոստիկանության անչափահասների հանցավորության և ընտանիքում բռնության կանխարգելման վարչության ու ենթակա ստորաբաժանումների ծառայողների ուղեկցությամբ այցելեցին կենդանաբանական այգի։
Տոնական օրվա կապակցությամբ Խնկո-Ապոր անվան ազգային մանկական գրադարանի դիմաց փոքրիկների համար գեղեցիկ միջոցառում էր կազմակերպել նաև ոստիկանության Մշակույթի կենտրոնը՝ համագործակցելով ոստիկանության զորքերի նվագախմբի հետ։
Բոլոր միջոցառումների վայրերում, մանուկների անվտանգությունն ապահովելու նպատակով, ուժեղացված ծառայություն են իրականացրել պարեկները։
Շնորհավորում ենք բոլոր մանուկներին՝ պայծառ ու լուսավոր տոնի առթիվ՝ մաղթելով խաղաղ երկինք, անհոգ ու երջանիկ մանկություն: