Երևանում, Գյումրիում, Երևան-Աշտարակ, Երևան-Կապան ավտոճանապարհներին մեքենաներ են բախվել

Հուլիսի 8-ին, ժամը 06.30-ին, Երևանի Արշակունյաց պողոտայի թիվ 75/Ա շենքի դիմաց «Օպել» մակնիշի ավտոմեքենան բախվել է «Ֆոլքսվագեն»-ի, որից հետո դուրս գալով ճանապարհի երթևեկելի մասից` բախվել է էլեկտրասյանը:
«Օպել»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հուլիսի 8-ին, ժամը 12.30-ի սահմաններում, Գյումրիի Հաղթանակի պողոտայի և Սպանդարյան փողոցի խաչմերուկում «Մերսեդես-Բենց Ե-200» մակնիշի ավտոմեքենա է բախվել «ՎԱԶ-2106» մակնիշի բավտոմեքենայի:
«Մերսեդես-Բենց Ե-200»-ի վարորդը մարմնական վնասվածքներով դիմել է հիվանդանոց:
Կատարվում է քննություն:

***
Հուլիսի 8-ին, ժամը 22.30-ի սահմաններում, Երևան-Աշտարակ ճանապարհի 4-րդ կմ-ին «ՎԱԶ-21101-110» մակնիշի ավտոմեքենա է բախվել «ՎԱԶ-2102» մակնիշի ավտոմեքենայի:
«ՎԱԶ-2102»-ի վարորդը և ուղևորը «պոլիտրավմա» ախտորոշմամբ տեղափոխվել են հիվանդանոց:
Կատարվում է քննություն:

***

Հուլիսի 8-ին, ժամը 13.00-ին, Երևան-Կապան ճանապարհի 299-րդ կմ-ին «Դեու Մատիզ Բեստ» մակնիշի ավտոմեքենա է բախվել «ԳԱԶ-33070» մակնիշի ավտոմեքենայի:
«Դեու Մատիզ Բեստ»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն: