«Զգուշացեք, երեխաներ են» միջացառումը շարունակվում է

Ավանդաբար ամեն տարի ոստիկանությունը լրջորեն նախապատրաստվում է նոր ուսումնական շրջանի մեկնարկին, նախապես որոշվում է՝ որ ուսումնական հաստատության շրջակայքում որ ստորաբաժանումները պետք է ծառայություն իրականացնեն: Համավարակով պայմանավորված՝ այս տարի ոստիկանության «Զգուշացե՛ք, երեխաներ են» կարգախոսով միջոցառումը մեկնարկեց սեպտեմբերի 14-ից: Ծառայությանը ներգրավված Ճանապարհային ոստիկանները դպրոցների մոտ հետևում են անվտանգ երթևեկությանը, պարեկապահակետային ծառայության ոստիկաններն ու տարածքային բաժինների ծառայողները ապահովում են հասարակական կարգը և՝ ոչ միայն... Անչափահասների անվտանգությունն ապահովող ոստիկանների ծառայությունն այս տարի մի փոքր ավելի հագեցած է: Համավարակն իր կանոններն է թելադրում, և ոստիկանները նոր կորոնավիրուսի հնարավոր տարածումը կանխելու նպատակով հսկում են, որպեսզի պահպանվեն հակահամաճարակային անվտանգության կանոնները։
Առողջություն և ուսումնական հաջողություններ մաղթենք մեր դպրոցականներին, քանզի կրթված քաղաքացին է մեր երկրի զարգացման ու հզորացման երաշխավորը: