Ոստիկանների բացատրական աշխատանքի արդյունքում քաղաքացիները զենք-զինամթերք են հանձնում
![Ոստիկանների բացատրական աշխատանքի արդյունքում քաղաքացիները զենք-զինամթերք են հանձնում Ոստիկանների բացատրական աշխատանքի արդյունքում քաղաքացիները զենք-զինամթերք են հանձնում](/timthumb?src=/resources/police/img/news/big/1542794711,8166.jpeg&q=75&w=780&wm=1)
«Զինանոց-2018» օպերատիվ-կանխարգելիչ համալիր միջոցառման շրջանակներում ոստիկանության Կենտրոնական բաժնի ծառայողների բացատրական աշխատանքների շնորհիվ նոյեմբերի 20-ին, ժամը 18.30-ին բաժին է ներկայացել 1970 թ. ծնված Ալինա Ս.-ն և կամավոր հանձնել տարբեր տիպի 5 նռնակ, 6 պայթուցիչ, 7.62 և 5.45 մմ տրամաչափի 217 փամփուշտ ու 6 պահունակ:
Ըստ Ալինա Ս.-ի հայտարարության՝ նշված զինամթերքը, որը հայտնաբերել է իրենց տան խորդանոցում, պատկանել է Արցախյան ազատամարտի մասնակից եղբորը (մահացել է 2013թ.):
***
«Զինանոց-2018» համալիր-կանխարգելիչ միջոցառման շրջանակներում ոստիկանության Մալաթիայի բաժնի ծառայողների բացատրական աշխատանքների շնորհիվ նոյեմբերի 20-ին, ժամը 18.00-ին, ոստիկանության Երևան քաղաքի վարչության օպերատիվ կառավարման կենտրոն է զանգահարել անհայտ քաղաքացի և հայտնել, որ «Պիոներ» պալատի մոտ՝ ծառի տակ, զենք-զինամթերք է թողնում:
Մեկնած օպերատիվ խումբը Ռ.Մելիքյան փողոցի թիվ 26 հասցեի մոտ զննությամբ հայտնաբերել է տոպրակ, որի մեջ եղել է հրացան, նռնակ՝ պայթուցիչով, արկ և տարբեր տրամաչափի 105 փամփուշտ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: