Հանգուցյալ հոր զենք-զինամթերքը ոստիկանություն էր բերել

Մարտի 22-ին, ժամը 15.30-ի սահմաններում, ոստիկանության ՊՊԳՎ Արտաշատի պահպանության բաժանմունքի ծառայողների բացատրական աշխատանքների շնորհիվ Արևաբյուր գյուղի մի բնակիչ կամավոր հանձնել է «ԱԿ-74» ինքնաձիգ` առանց զարկանի ու փակաղակի, 16 մմ տրամաչափի, երկփողանի կարճացված փողով հրացան, զրահաբաճկոն, ինքնաձիգի դատարկ փամփշտակալ և տարբեր տրամաչափի 87 փամփուշտ:
Տղամարդը հայտնել է, որ նշված զենք-զինամթերքը պատկանել է Արցախյան հերոսամարտում զոհված հորը, որը ձեռք էր բերել ինքնապաշտպանական մարտերի ընթացքում:
Ներկայացված զենք-զինամթերքն ուղարկվել է փորձաքննության:
Նախապատրաստվում են նյութեր:
Քաղաքացիներն հիշեցնում ենք. ապօրինի զենք-զինամթերքը կամովին հանձնած անձն ազատվում է քրեական պատասխանատվությունից, եթե նրա գործողություններն այլ հանցակազմ չեն պարունակում: