Զինամթերքը թողել էր խաչքարի հետնամասում

Ոստիկանության Երևան քաղաքի վարչության ծառայողների բացատրական աշխատանքների շնորհիվ, մայիսի 4-ին, ժամը 17.34-ին, Երևան քաղաքի վարչության օպերատիվ կառավարման կենտրոն է զանգահարել անհայտ քաղաքացի ու հայտնել, որ զենք-զինամթերք է թողնում Երևանի Խանջյան փողոցի «Օղակաձև» զբոսայգու առաջին հատվածում գտնվող խաչքարի հետնամասում:

Մեկնած օպերատիվ խումբը նշված վայրում հայտնաբերել է պոլիէթիլենային տոպրակ, որի մեջ եղել է ինքնաշեն ատրճանակ, «Ֆ-1» տիպի նռնակ` պայթուցիչով, ինքնաձիգի դատարկ 3 պահունակ և ինքնաձիգի տարբեր տրամաչափի 136 փամփուշտ: 

Նշանակվել է դատաձգաբանական փորձաքննություն:

Նախապատրաստված նյութերն ուղարկվել են Կենտրոնականի բաժին: