Ոստիկանության Մասիսի բաժնի ՁՊՎ-ն հանձնվեց շահագործման (ՏԵՍԱՆՅՈՒԹ)

Ձերբակալվածների և կալանավորվածների նյութակենցաղային պայմանները բարելավելու նպատակով՝ խոնավության մակարդակը բարձր լինելու պատճառով, ոստիկանության պետի հրամանով 2014 թ. մարտ ամսից ժամանակավորապես դադարեցվել էր ոստիկանության Արարատի մարզային վարչության Մասիսի բաժնի ՁՊՎ-ի գործունեությունը:
Վերանորգման աշխատանքներն ավարտելուց հետո, ՀՀ կառավարության համապատասխան որոշմամբ հաստատված կանոնակարգի համաձայն, ոստիկանության շտաբի, բժշկական և տնտեսական վարչությունների կողմից 2015 թ. դեկտեմբերի 29-ին ուսումնասիրվեցին ՁՊՎ-ի պայմանները, և տրվեց եզրակացություն, որ դրանք համապատասխանում են գործունեությունը կանոնակարգող իրավական ակտերի պահանջներին, ինչից հետո ոստիկանության պետի դեկտեմբերի 30-ի հրամանով՝ 2016 թ. հունվարի 1-ից ոստիկանության Մասիսի բաժնի ՁՊՎ-ն հանձնվեց շահագործման:
Հարկ է նշել, որ 2015 թ. հոկտեմբերի 5-ից 15-ը Խոշտանգումների կանխարգելման կոմիտեի պատվիրակության կողմից ոստիկանության ենթակա ստորաբաժանումների ՁՊՎ-ներ կատարած այցելությունների ընթացքում պատվիրակության անդամներն իրենց գոհունակությունն են հայտնել Մասիսի բաժնի ՁՊՎ-ում կատարված վերանորոգման աշխատանքների վերաբերյալ: Բացի այդ, ՁՊՎ-ի խցերում և միջանցքում փակցվել են ոստիկանության կողմից մշակված, ինչպես և ոստիկանության համակարգում գործող ՁՊՎ-ներում հասարակական վերահսկողություն իրականացնող դիտորդների խմբի և ՄԻՊ գրասենյակի «Թեժ գծի» հեռախոսահամարների պաստառները:
ՁՊՎ-ներում պահվող անձանց նյութակենցաղային պայմանների բարելավումը մշտապես գտնվում է ոստիկանության ղեկավարության ուշադրության կենտրոնում և նման գործընթացները կրում են շարունակական բնույթ: