Ընդունելություն ՀՀ ոստիկանությունում (ՏԵՍԱՆՅՈՒԹ ԵՎ ԼՈՒՍԱՆԿԱՐՆԵՐ)

Դեկտեմբերի 9-ին ՀՀ ոստիկանության պետ, գեներալ-լեյտենանտ Վլադիմիր Գասպարյանն ընդունեց Հայաստանի Հանրապետությունում Հնդկաստանի արտակարգ և լիազոր դեսպան Յոգեշվար Սանգվանին: 

Ողջունելով  հյուրին՝ Վլադիմիր Գասպարյանը կարևորեց տարբեր երկրների իրավապահների հետ համագործակցության զարգացման նշանակությունը և հավաստեց Հայաստանի ոստիկանության՝ այդ ուղղությամբ հետևողական աշխատանքը շարունակելու պատրաստակամությունը:

Շնորհակալություն հայտնելով ջերմ ընդունելության համար՝ Յոգեշվար Սանգվանն անդրադարձավ ոստիկանական կառույցների փորձի փոխանակման անհրաժեշտությանը:

Անդրադառնալով փոխգործակցության սերտացման խնդիրներին՝ Վլադիմիր Գասպարյանն ընդգծեց, որ հանցավորությունը սահմաններ չունի, հետևաբար հանցավորության դեմ պայքարը նույնպես պետք է իրականացվի տարբեր երկրների իրավապահ կառույցների գործընկերության ու փոխվստահության հիման վրա, մասնավորապես, բարձր տեխնոլոգիաների ոլորտում կատարվող հանցագործությունների, կիբերհանցավորության համակարգված հակազդման ոլորտում:

Յոգեշվար Սանգվանը բարձր գնահատեց հայ ոստիկանների աշխատանքը, օրինակ բերելով հասարակական կարգի արդյունավետ պահպանումը, ինչի շնորհիվ Երևանը աշխարհի ամենաանվտանգ քաղաքների շարքում է:

Հանդիպման ընթացքում կողմերը քննարկեցին փոխադարձ հետաքրքրություն ներկայացնող այլ հարցեր ևս: