Թաքցրել են դեպքի իրական հանգամանքները

04.08.2015 17:13 Այլ հանցագործություններ

Հուլիսի 13-ին, ժամը 07.20-ին, ոստիկանության Վայքի բաժնում հիվանդանոցից ահազանգ էր ստացվել, որ «կողերի կոտրվածք` հարցականով և գլխուղեղի տրավմա» ախտորոշմամբ իրենց մոտ է տեղափոխվել Զառիթափ գյուղի բնակիչ, 1951 թ. ծնված Հրահատ Մարգարյանը, ում հարազատները բացատրություն էին տվել, որ վերջինս մարմնական վնասվածքները ստացել է խոտի դեզից վայր ընկնելու հետևանքով, իսկ Հ. Մարգարյանից բացատրություն վերցնել հնարավոր չի եղել` անգիտակից վիճակում լինելու պատճառով:

Օգոստոսի 1-ին Հրահատ Մարգարյանն իրենց տանը մահացել է:

Ձեռնարկված օպերատիվ-հետախուզական միջոցառումների արդյունքում, օգոստոսի 3-ին` Հ.Մարգարյանի հուղարկավորման օրը, օպերատիվ տեղեկություն է ստացվել, որ նրան վրաերթի է ենթարկել նույն գյուղի բնակիչ, 1985 թ. ծնված Աշոտ Ս.-ն:

Բաժին բերման ենթարկված Աշոտ Ս.-ն բացատրություն է տվել, որ հուլիսի 13-ին, ժամը 07.00-ի սահմաններում, իր հարևաններ Հ. Մարգարյանի և նրա որդու` 1978 թ. ծնված Արթուր Մ.-ի հետ, իրեն պատկանող «ԳԱԶ-53» մակնիշի ավտոմեքենայով գնացել են նրանց հնձած խոտը բերելու: Զառիթափ գյուղից մոտ 200 մ հեռավորության վրա ավտոմեքենան ընկել է ջրափոսը և տեղապտույտի պատճառով ինքը դժվարացել է մեքենան դուրս հանել: Ջրափոսից ելնելու համար Աշոտ Ս.-ն ավտոմեքենան հետ ու առաջ է տվել, իսկ Հրահատ Մարգարյանը թափքի ձախ կողմի հետնամասից փորձել է հրելով օգնել:

Ավտոմեքենայի հետ ու առաջ շարժման հետևանքով Հրահատ Մարգարյանը վայր է ընկել, ստացել մարմնական վնասվածքներ ու տեղափոխվել հիվանդանոց, որտեղ դեպքի իրական հանգամանքները թաքցրել են:

Կատարվում է հետաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Թաքցրել են դեպքի իրական հանգամանքները

ՀԻՄՆԱԿԱՆ