Թիվ 27 երթուղու միկրոավտոբուսում կատարված գողությունը բացահայտվեց
![Թիվ 27 երթուղու միկրոավտոբուսում կատարված գողությունը բացահայտվեց Թիվ 27 երթուղու միկրոավտոբուսում կատարված գողությունը բացահայտվեց](/timthumb?src=/resources/police/img/news/big/1519714260,7484.jpeg&q=75&w=780&wm=1)
Փետրվարի 26-ին, ժամը 14.45-ին, ոստիկանության Երևան քաղաքի վարչության օպերատիվ կառավարման կենտրոն է զանգահարել 1997 թ. ծնված Նանար Գ.-ն և հայտնել, որ նույն օրը, ժամը 13.50-ից 14.15-ն ընկած ժամանակահատվածում, թիվ 27 երթուղու միկրոավտոբուսի սրահում իր պայուսակից գողացել են դրամապանակը, որի մեջ եղել է գումար, նույնականացման քարտ և փաստաթղթեր:
Ոստիկանության Երևան քաղաքի վարչության գրպանահատության բաժանմունքի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ նշված գողությունը կատարել է 1987 թ. ծնված Ռուստամ Մ.-ն, որը նույն օրը, ժամը 20.40-ին, Ֆրանսիայի հրապարակից բերման է ենթարկվել և տվել խոստովանական բացատրություն:
Գողոնն առգրավված է:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: