Թմրամիջոց ավտոմեքենայում

Սեպտեմբերի 9-ին, ժամը 19.05-ին,  ոստիկանության կազմակերպված հանցավորության դեմ պայքարի, Վայոց Ձորի մարզային վարչությունների և Եղեգնաձորի բաժնի ծառայողները բերման են ենթարկել 1988 թ. ծնված Արտյոմ Ն.-ին` իր «Տոյոտա Կորոլա»  մակնիշի ավտոմեքենայով, և ուղևորներ` 1985 թ. ծնված Արման Ե.-ին ու 1978 թ. ծնված Հայրապետ Ա.-ին:

Ավտոմեքենայի զննությամբ` վարորդի նստելատեղի տակից հայտնաբերվել են պոլիէթիլենային տոպրակներով փաթեթավորված կանեփանման կանաչ  զանգվածներ, որոնցից մեկը` 219 գ, մյուսը` 136 գ, իսկ փոխանցման տուփի հետնամասից հայտնաբերվել է   թղթով փաթեթավորված կանեփանման բույսի 1,6 գ կշռով չորացված, մանրացված զանգված:

Արտյոմ Ն.-ն հայտարարել է, որ  զանգվածները պատկանում են իրեն:

Հայտնաբերվածն ուղարկվել է փորձաքննության:

Կատարվում է հետաքննություն: