Թմրամիջոց պահելու կասկածանքով

Հոկտեմբերի 9-ին, ժամը 22.15-ին, ոստիկանության կազմակերպված հանցավորության դեմ պայքարի գլխավոր վարչության ծառայողները, թմրամիջոց պահելու կասկածանքով, Մայիսի 9-ի փողոցի թիվ 14 շենքի մոտից բերման են ենթարկել 1975 թ. ծնված Նելսոն Ա.-ին և 1981 թ. ծնված Կիմ Թ.-ին:
Նելսոն Ա.-ի գրպանից հայտնաբերվել են   ներարկիչներ`   բաց դեղնավուն հեղուկով:
Ըստ նրա հայտարարության` հայտնաբերվածը «Դեզոմորֆին» թմրամիջոց է, որը նույն օրը, ժամը 19.30-ին, ձեռք է բերել Մայիսի 9-ի փողոցի թիվ 14 շենքի մոտ, ոմն Վարդգեսից:
Ոստիկանության ծառայողները պարզել են, որ Վարդգեսը  1959 թ. ծնված Վարազդատ Մ.-ն է:
Նշված հասցեում կատարված զննությամբ խորդանոցից հայտնաբերվել են ներարկիչներ` արնանման հետքերով ասեղներով և նստվածքով, պլաստմասսե տարաներ` հեղուկներով:
Նշանակվել է դատաքիմիական փորձաքննություն:
Ձեռնարկվում են միջոցառումներ Վարազդատ Մ.-ին հայտնաբերելու ուղղությամբ:
Կատարվում է հետաքննություն: