Թմրամիջոց պահելու և իրացնելու կասկածանքով

24.07.2013 13:13 Թմրամիջոցի հայտնաբերում

Հուլիսի 23-ին, ժամը 22.30-ին, ոստիկանության Քանաքեռ-Զեյթունի բաժնի և կազմակերպված հանցավորության դեմ պայքարի գլխավոր վարչության ծառայողները Սևան-Երևան ճանապարհին գտնվող ռեստորանային համալիրի մոտից, թմրամիջոց պահելու և իրացնելու կասկածանքով, բաժին են բերման ենթարկել 1990 թ. ծնված Արթուր Հ.-ին և 1992 թ. ծնված Դավիթ Մ.-ին` իր «ՎԱԶ-2108» մակնիշի ավտոմեքեայով: Արթուր Հ.-ի կիսավարտիքի գրպանից խուզարկությամբ հայտնաբերվել և առգրավվել է պոլիէթիլենային փաթեթով 1.38 գ ընդհանուր կշռով, դեղնականաչավուն զանգված, իսկ պայուսակից` գործարանային փաթեթավորմամբ, «Ջամայկա Գոլդ» Սուպռեմե 3 GR գրությամբ 12 փաթեթ, որոնցից մեկը` բաց վիճակում, որի մեջ առկա էր մոտ 0.74 գ դեղնականաչավուն զանգված:

Ըստ Արթուր Հ.-ի բացատրության` 1.38 գ դեղնականաչավուն զանգվածը մարիխուանա տեսակի թմրամիջոց է, որը նշված փաթեթների հետ ձեռք է բերել Վրաստանի Բաթումի քաղաքում, ազգությամբ արաբ մի քաղաքացուց:

Հայտնաբերվածն ուղարկվել է փորձաքննության:

Կատարվում է հետաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Թմրամիջոց պահելու և իրացնելու կասկածանքով

ՀԻՄՆԱԿԱՆ