Թմրանյութ պահելու և օգտագործելու հերթական դեպքն է բացահայտվել
04.03.2023 12:35
Թմրամիջոցի հայտնաբերում
![Թմրանյութ պահելու և օգտագործելու հերթական դեպքն է բացահայտվել Թմրանյութ պահելու և օգտագործելու հերթական դեպքն է բացահայտվել](/timthumb?src=/resources/police/img/news/big/1677919068-7705.jpeg&q=75&w=780&wm=1)
Մարտի 2-ին Արտաշատի համայնքային ոստիկանները տեղեկություններ էին ստացել, որ Այգեստան գյուղի մի բնակիչ թմրանյութ է պահում և օգտագործում: Տեղեկությունները ստուգելու նպատակով ոստիկանները մեկնեցին նշված հասցե: 32-ամյա տղամարդը հաստատեց, որ տանը թմրանյութ ունի:
Արարատի մարզային քննչական վարչությունում նախաձեռնվեց քրեական վարույթ: Կատարվեց տան զննություն. խորդանոցի տեսանելի վայրից տղամարդն իրավապահներին ներկայացրեց մարիխուանայի զանգված:
Հանգամանքները նախաքննությամբ պարզվում են:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: