Վաղարշապատի ոստիկանները թմրանյութ պահելու և օգտագործելու դեպքեր են բացահայտել
![Վաղարշապատի ոստիկանները թմրանյութ պահելու և օգտագործելու դեպքեր են բացահայտել Վաղարշապատի ոստիկանները թմրանյութ պահելու և օգտագործելու դեպքեր են բացահայտել](/timthumb?src=/resources/police/img/news/big/1698137388-1345.jpeg&q=75&w=780&wm=1)
Ոստիկանության Վաղարշապատի բաժնի քրեական հետախույզներն օպերատիվ տեղեկություններ էին ստացել, որ Փարաքար գյուղի 49-ամյա մի բնակիչ իր տանը, տնամերձ հողամասում և կից օժանդակ շինություններում կանեփ է աճեցնում և թմրանյութ պահում: Տեղեկությունները հաստատվեցին: Դեպքի վայր մեկնած ոստիկանները տան բակի ակնհայտ տեսանելի վայրում նկատել են 21 կանեփի բույս: Տանտերը հայտնել է, որ տանը թմրանյութ է պահում:
Դեպքի առթիվ նախաձեռնվեց քրեական վարույթ, որի շրջանակում հոկտեմբերի 17-ին զննություն կատարվեց փարաքարցի տղամարդու տանն ու կից օժանդակ շինություններում: Տղամարդը իրավապահներին ներկայացրեց մոտ 50 գրամ քաշով մարիխուանայի նմանվող զանգված, նաև հայտնեց, որ կանեփն ինքն է աճեցրել:
Ապօրինի թմրանյութ պահելու և օգտագործելու վերաբերյալ հաջորդ տեղեկությունը ոստիկանության Վաղարշապատի բաժնի քրեական հետախույզներն իրացրին Բաղրամյան գյուղում: 56-ամյա տանտերը իրավապահներին հայտնել է, որ տանն ունի կանեփի չոր զանգված և պատրաստ է ներկայացնել: Նախաձեռնվեց քրեական վարույթ: Տղամարդու տանը զննություն կատարվեց: Նա իրավապահներին ներկայացրեց մոտ 81,5 գրամ քաշով մարիխուանայի նմանվող զանգված: Հայտնեց, որ այն թմրանյութ է, որը պատրաստել է իր աճեցրած կանեփի թփերից:
Բոլոր դեպքերով կազմված փաստաթղթերն ուղարկվել են Վաղարշապատի քննչական բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: