Արտաշատի ոստիկանները ապօրինի թմրաշրջանառության դեպք են բացահայտել
![Արտաշատի ոստիկանները ապօրինի թմրաշրջանառության դեպք են բացահայտել Արտաշատի ոստիկանները ապօրինի թմրաշրջանառության դեպք են բացահայտել](/timthumb?src=/resources/police/img/news/big/1678195211-4432.jpeg&q=75&w=780&wm=1)
Մարտի 6-ին ոստիկանության Արտաշատի բաժնի անչափահասների գործերով և ընտանիքում բռնության կանխարգելման բաժանմունքի ծառայողները տեղեկություններ էին ստացել, որ Արարատի մարզի Ոստան գյուղի 59-ամյա մի բնակիչ ապօրինի պահում և օգտագործում է թմրանյութ: Իրացնելով տեղեկությունները՝ իրավապահները նրան հայտնաբերեցին Ոստանում, ձերբակալեցին և տեղափոխեցին բաժին: Նրա խուզարկությամբ հայտնաբերվեց մարիխուանայի նմանվող զանգվածով փաթեթ՝ 6 գրամ քաշով: Ձերբակալվածի հայտնածով՝ այն թմրանյութ է:
59-ամյա տղամարդը ներկայացվել է Արարատի մարզային քննչական վարչություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: