Ապօրինի թմրաշրջանառության դեմ պայքարը հետևողականորեն շարունակվում է

Ոստիկանության Երևան քաղաքի վարչության քրեական հետախուզության բաժնի, վարչության տարածքային ստորաբաժանումների, ինչպես նաև հատուկ նշանակության գումարտակի ծառայողներն ամենօրյա ռեժիմով շարունակում են ապօրինի թմրաշրջանառության դեպքեր բացահայտել։ Մարտի 15-ին արձանագրվել է ավելի քան 10 բացահայտում։ Մասնավորապես, հատուկ նշանակության գումարտակի, Երևան քաղաքի վարչության քրեական հետախուզության բաժնի, ինչպես նաև Արաբկիրի, Մալաթիայի, Քանաքեռ-Զեյթունի, Մաշտոցի և Շենգավիթի ոստիկանների միջոցառումների արդյունքում հայտնաբերվել են մարիխուանայի նմանվող զանգվածներ ու նմանատիպ զանգվածներով կաթուցիչներ, ինչպես նաև «շոկո» տեսակի, մեթադոն և մեթամֆետամին թմրամիջոցներ։ Միայն մի դեպքում Երևան քաղաքի վարչության քրեական հետախույզները հայտնաբերել են 16 փաթեթ մեթամֆետամին։
Ապօրինի թմրաշրջանառության դեմ պայքարը, որպես ՆԳՆ ոստիկանության գործունեության առաջնային ուղղություն, հետևողականորեն շարունակվում է։