Հետախուզվողները հայտնաբերվեցին

Ոստիկանության ԿՀԴՊ ԳՎ ԹԱՇԴՊՎ և Քանաքեռ-Զեյթունի բաժնի ծառայողները մայիսի 15-ին, ժամը 14-ին, Երևանի Ն. Տիգրանյան փողոցի թիվ 4 շենքի մոտից բերման են ենթարկել 1991 թ. ծնված Տիգրան Ա.-ին, որը ապրիլի 21-ից հետախուզվում էր ՀՀ քրեական օրենսգրքի 268 հոդվածի (թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց իրացնելու նպատակի) 2-րդ մասի 2-րդ կետի մեղադրանքով:

***
Ոստիկանության Տարոնի բաժնի ծառայողների ձեռնարկած օպերատիվ-հետախուզական միջոցառումների շնորհիվ` մայիսի 15-ին, ժամը 13-ին, Երևանի Տիգրան Մեծի պողոտայի թիվ 34 շենքի մոտից բերման է ենթարկվել 1963 թ. ծնված Սամվել Բ.-ն, որը մայիսի 13-ից հետախուզվում էր ՀՀ քրեական օրենսգրքի 268 հոդվածի (թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց իրացնելու նպատակի) 1-ին մասի մեղադրանքով` որպես պատժի կրումից խուսափող: