Խարդախություն Էջմիածնի ծաղկի սրահում

Օգոստոսի 31-ին, ժամը 19.05-ին, ոստիկանության Վաղարշապատի բաժին է ահազանգել Էջմիածին քաղաքի մի բնակչուհի և հայտնել, որ ծաղկի սրահում իրեն կեղծ 5.000 ռուբլի են տվել:
Մեկնած օպերատիվ խումբը պարզել է, որ նույն օրը, ժամը 19.00-ի սահմաններում, Էջմիածին քաղաքի Արագածի զանգվածի սկզբնամասում գտնվող ծաղկի սրահում անհայտ անձը 6.000 դրամով ծաղկեփունջ է գնել, վճարել է 5.000 ռուբլի հուշանվեր թղթադրամ և ստացել 29.000 դրամ մանր, ինչի արդյունքում խանութի աշխատակցուհուն պատճառել է 35.000 դրամի գույքային վնաս:
Փաստի առթիվ սեպտեմբերի 10-ին ՀՀ քրեական օրենսգրքի 178 հոդվածի 1-ին մասով հարուցվել է քրեական գործ:
Ոստիկանության քրեական հետախուզության գլխավոր և Արմավիրի մարզային վարչությունների ու Վաղարշապատի բաժնի ծառայողները պարզել են, որ խարդախություն կատարած անձը Կապան քաղաքի 57-ամյա բնակիչ է: Նրան սեպտեմբերի 11-ին Երևան քաղաքի Բաշինջաղյան փողոցից, խարդախություն կատարելու կասկածանքով, բերման են ենթարկել ու ներկայացրել Վաղարշապատի քննչական բաժին: Նա տվել է խոստովանական ցուցմունք:
Նախաքննությունը շարունակվում է: