Խոստովանություն 6 տարի անց

2007 թ. հունիսի 13-ին ոստիկանության Սիսիանի բաժնում հաղորդում էր ստացվել ապօրինի կերպով թմրամիջոցներ պահելու, իրացնելու և օգտագործելու կասկածանքով իր անձնական օգտագործման «ՎԱԶ-2121» մակնիշի ավտոմեքենայով 1949 թ. ծնված Յուրիկ Բ.-ին և նրա ուղևորներ Վանիկ Մ.-ին ու Վարդան Գ.-ին բերման ենթարկելու մասին: Անձնական զննությամբ Վանիկ Մ.-ի մոտ հայտնաբերվել և առգրավվել Էր 5 գրամ, Յուրիկ Բ.-ի մոտ` 2,2 գրամ, իսկ ավտոմեքենայի սրահից` 9,9 գրամ ափիոն թմրամիջոցին նմանվող մուգ շագանակագույն զանգվածներ և 7,5 սմ շեղբի երկարությամբ ծալովի դանակ ու Էլեկտրոնային ճշգրիտ ոսկերչական կշեռք: 
Ոստիկանության Սիսիանի բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ 2007 թ. հունիս ամսին Յուրիկ Բ.-ն 4,75 գ կշռով ափիոն թմրամիջոցը ձեռք է բերել 1958 թ. ծնված Հակոբ Ե.-ից, որը մահացել է 2008 թ.-ին:
Յուրիկ Բ.-ն հրավիրվել է ոստիկանության Սիսիանի քննչական բաժանմունք և տվել խոստովանական ցուցմունքներ: