Խուզարկությամբ թմրամիջոց է հայտնաբերվել

Մայիսի 12-ին, ժամը 13.30-ին,  ոստիկանության Վանաձորի բաժնի ծառայողները   Լոռու մարզի ընդհանուր իրավասության դատարանի  որոշման համաձայն` 1950 թ. ծնված  Վլադիմիր Ա.-ի բնակարանի և օժանդակ շինությունների խուզարկությամբ, ննջասենյակի սեղանի վրայից հայտնաբերել են 20 մլ տարողության ներարկիչ՝ 3 մլ անգույն հեղուկ, 10 մլ տարողության օգտագործված ներարկիչ, «Վալերիանա» դեղահաբի ապակյա տարա` պատերին մոխրագույն նստվածքով, «Դիմեդրոլի» 2 դեղահաբ և սայր` գորշավուն նստվածքով:
Տանը գտնվող Վլադիմիր Ա.-ի ընկերը` 1976 թ. ծնված Հակոբ Չ.-ն, հայտարարել է, որ ինքը պատրաստել է թմրամիջոց, որի մի մասը ներարկման միջոցով օգտագործել է:
Առգրավվածն ուղարկվել է փորձաքննության:
Կատարվում է քննություն: