Մեծամորի ոստիկանները խուլիգանության դեպք են բացահայտել

Օգոստոսի 11-ին ոստիկանության Մեծամորի բաժնում մի կնոջից հաղորդում էր ստացվել, որ ժամը 09.00-ի սահմաններում նկատել է, որ կրակել և վնասել են իր տան պատուհանն ու նախասրահի պատը, իսկ հատակին հայտնաբերվել է դեֆորմացված գնդակ:
Մեծամորի ոստիկանների ձեռնարկած օպերատիվ-հետախուզական միջոցառումներով պարզվել է արարքը կատարողի ինքնությունը: Մրգաշեն գյուղի 62-ամյա բնակիչը
հայտնաբերվել, ձերբակալվել և ներկայացվել է վարույթն իրականացնող մարմին: