Խուլիգանություն Չարենցավանում գործող գիշերային ակումբի մոտ

Փետրվարի 27-ին, ժամը 21.55-ին, ոստիկանության Չարենցավանի բաժին ահազանգ է ստացվել, որ Չարենցավան քաղաքի կայարանի մերձակա գիշերային ակումբի մոտ վիճաբանություն է:
Մեկնած օպերատիվ խումբը Չարենցավան քաղաքի Շահումյան փողոցում գործող գիշերային ակումբի մոտից, խուլիգանություն կատարելու կասկածանքով, բերման է ենթարկել 1984 թ. ծնված Իշխան Մ.-ին, 1985 թ. ծնված Սասուն Ա.-ին, 1982 թ. ծնված Էդգար Խ.-ին և 1995 թ. ծնված Աբրահամ Ա.-ին:
Ձեռնարկված օպերատիվ-հետախուզական միջոցառումների շնորհիվ պարզվել է, որ փետրվարի 27-ին, ժամը 21.50-ի սահմաններում, ակումբի հաճախորդներ Իշխան Մ.-ի, Սասուն Ա.-ի և Էդգար Խ.-ի կողմից անվայել պահվածք դրսևորելու պատճառով նրանց և ակումբի աշխատակիցներ Աբրահամ Ա.-ի և 2001 թ. ծնված Աշոտ Զ.-ի միջև ծեծկռտուք է տեղի ունեցել:
Կատարվում է քննություն:

***

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: