Խուլիգանություն, ապօրինի զենք և անխուսափելի պատասխանատվություն

Ոստիկանության Երևան քաղաքի վարչության ծառայողները Երևանի Չարենցի փողոցի 7 շենքի բնակարաններից մեկից հայտնաբերել և վարչություն բերման են ենթարկել 1982 թ. ծնված Արա Հ.-ին, ով հուլիսի 15-ից ոստիկանության Կոտայքի բաժնի կողմից հետախուզվում էր ՀՀ քրեական օրենսգրքի 258 հոդվածի /խուլիգանություն/ 4-րդ մասի և 235 հոդվածի /ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը/ 1-ին մասի մեղադրանքներով: