Ծեծի, գողության և դիտավորությամբ առողջությանը միջին ծանրության վնաս պատճառելու մեղադրանքներով հետախուզվողներ են հայտնաբերվել

Փետրվարի 22-ին, ժամը 22.30-ին, ոստիկանության Արագածոտնի մարզային վարչության և Թալինի բաժնի ծառայողների ձեռնարկած օպերատիվ-հետախուզական միջոցառումների շնորհիվ Արագածավան գյուղից բերման է ենթարկվել 1980 թ. ծնված Գևորգ Ա.-ն, որը փետրվարի 10-ից ոստիկանության Կումայրիի բաժնի կողմից հետախուզվում էր ծեծի մեղադրանքով:

***
Փետրվարի 23-ին, ժամը 03.50-ին, 1984 թ. ծնված Լուսինե Ա.-ն քթի և դեմքի շրջանում ստացած մարմնական վնասվածքներով ոստիկանության Մասիսի բաժին է ներկայացել և հայտնել, որ վնասվածքները ստացել է փողոցում վայր ընկնելու հետևանքով:
Ստուգմամբ պարզվել է, որ Լուսինե Ա.-ն փետրվարի 21-ից հետախուզվում էր գողության մեղադրանքով:

***
Ոստիկանության Մեծամորի բաժնի ծառայողների ձեռնարկած օպերատիվ-հետախուզական միջոցառումների շնորհիվ` փետրվարի 22-ին, ժամը 13.30-ին, Սարդարապատ գյուղից բերման է ենթարկվել 1975 թ. ծնված Արթուր Գ.-ն, որը փետրվարի 18-ից հետախուզվում էր դիտավորությամբ առողջությանը միջին ծանրության վնաս պատճառելու մեղադրանքով: