Կամրջի տակ զենք-զինամթերք է հայտնաբերվել

Մարտի 27-ին, ժամը 21.25-ին, ոստիկանության Էրեբունու բաժնում հաղորդում է ստացվել, որ մի քաղաքացի Նուբարաշենից Մասիս քաղաք տանող ճանապարհին` կամրջի տակ, զենք-զինամթերք է թողնում:
Մեկնած օպերատիվ խումբը նշված վայրում հայտնաբերել է կարճեցված փողով և խզակոթով որսորդական մեկփողանի հրացան, «ՌԳԴ-5» տիպի 3 պայթուցիչ, սվին դանակ և ինքնաձիգի 7.62 մմ տրամաչափի 539 փամփուշտ:
Հայտնաբերվածն ուղարկվել է փորձաքննության: