Ննջասենյակում՝ ինքնաձիգ, ավտոտնակի տանիքում՝ կանեփ
![Ննջասենյակում՝ ինքնաձիգ, ավտոտնակի տանիքում՝ կանեփ Ննջասենյակում՝ ինքնաձիգ, ավտոտնակի տանիքում՝ կանեփ](/timthumb?src=/resources/police/img/news/big/1688803765-5275.jpeg&q=75&w=780&wm=1)
Ոստիկանության Աշտարակի բաժնի քրեական հետախույզները, օպերատիվ տեղեկությունն իրացնելով, հուլիսի 7-ի առավոտյան Աշտարակ քաղաքի Արագածի փողոցում հայտնաբերել, ապօրինի հրազեն պահելու և կրելու կասկածի հիման վրա ձերբակալել և բաժին են տեղափոխել 42-ամյա մի տղամարդու: Անձնական խուզարկությամբ նրա մոտ ոչինչ չի հայտնաբերվել, սակայն տղամարդը հայտնել է, որ Արագածի փողոցի իր տանն ինքնաձիգ ունի:
Փաստի առթիվ նախաձեռնված քրեական վարույթի շրջանակում կատարված խուզարկությամբ 42-ամյա տղամարդու տան 2-րդ հարկի ննջասենյակում հայտնաբերվել է «ԱԿՍ» տիպի ինքնաձիգ, իսկ տանը հարակից ավտոտնակի տանիքում՝ կանեփի բույսեր:
Նախաքննությունը շարունակվում է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: