Կողոպտչին ճանաչել է ոստիկանության տեսանյութից

Ոստիկանության Շենգավիթի բաժին է դիմել 1960 թ. ծնված Սուսաննա Օ.-ն և հաղորդում տվել, որ Արշակունյաց պողոտայի թիվ 42/2 շենքի մոտ անհայտ անձը հետևից հրելով և գետին գցելով` բացահայտ հափշտակել է պայուսակը, որի մեջ եղել է 20.000 դրամ, բջջային հեռախոսը, անձնագիրը, սոցիալական քարտը, բնակարանի բանալիները և արծաթե 2 մատանի` պատճառելով 60.000 դրամի նյութական վնաս:
Հունիսի 11-ին, ժամը 17.20-ին, Սուսաննա Օ.-ն ներկայացել է բաժին և հայտնել, որ դիտելով «Հերթապահ մաս» հաղորդաշարը` ճանաչել իրեն կողոպտած, այլ հանցագործություն կատարելու համար ս/թ. հունիսի 5-ին ձերբակալված Գևորգ Խաչատրյանին: