ԿՈՂՈՊՈՒՏ ՏԱՐԱԴՐԱՄԻ ՓՈԽԱՆԱԿՄԱՆ ԿԵՏԻ ՄՈՏ. 2-րդ մասնակիցը ներկայացել է ոստիկանություն և ներկայացրել հափշտակած 7 միլիոնը
![ԿՈՂՈՊՈՒՏ ՏԱՐԱԴՐԱՄԻ ՓՈԽԱՆԱԿՄԱՆ ԿԵՏԻ ՄՈՏ. 2-րդ մասնակիցը ներկայացել է ոստիկանություն և ներկայացրել հափշտակած 7 միլիոնը ԿՈՂՈՊՈՒՏ ՏԱՐԱԴՐԱՄԻ ՓՈԽԱՆԱԿՄԱՆ ԿԵՏԻ ՄՈՏ. 2-րդ մասնակիցը ներկայացել է ոստիկանություն և ներկայացրել հափշտակած 7 միլիոնը](/timthumb?src=/resources/police/img/news/big/1482566722,3932.jpeg&q=75&w=780&wm=1)
Ինչպես տեղեկացրել էինք՝ դեկտեմբերի 20-ին, ժամը 9-ի սահմաններում, Երևանի Բաշինջաղյան փողոցում գտնվող «Կրպակ» սուպերմարկետի տարադրամի փոխանակման կետի մոտ անհայտ անձը հարվածել էր աշխատակցուհու գլխին և ձեռքից բացահայտ հափշտակելով պարկը, որի մեջ եղել էր 7.000.000 դրամին համարժեք գումար, դիմել էր փախուստի:
Ոստիկանության քրեական հետախուզութայն գլխավոր, Երևան քաղաքի վարչությունների և Մաշտոցի բաժնի ծառայողների ձեռնարկած օպերատիվ-հետախուզական համալիր միջոցառումների և որոնողական աշխատանքների շնորհիվ՝ նշված հանցագործությունը կատարելու կասկածանքով դեկտեմբերի 22-ին, ժամը 6-ին, Բագրատաշենի սահմանային անցակետում հայտնաբերվել և բերման էր ենթարկվել 1986 թ. ծնված Ալբերտ Վանյանը:
Ձեռնարկված հետագա միջոցառումների և անցկացված բացատրական աշխատանքների շնորհիվ՝ դեկտեմբերի 23-ին, ժամը 19.30-ին, բաժին է ներկայացել կողոպուտը կատարած Ալբերտ Վանյանի հանցընկերը՝ 1990 թ. ծնված Ալբերտ Աղաջանյանը, ներկայացրել հափշտակված գումարը և տվել խոստովանական ցուցմունք:
Ալբերտ Վանյանը և Ալբերտ Աղաջանյանը ձերբակալված են:
Նախաքննությունը շարունակվում է:
***
Կայքի օպերատիվ նյութերը վերջնական ճշմարտության հավակնություն չունեն, իսկ դեպքերը ներկայացվում են անմեղության կանխավարկածի և քննության շահերի պահպանման տեսանկյունից: Վերջնականը դատարանի օրինական ուժի մեջ մտած դատավճիռն է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: