ՀՀ ՆԳՆ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:

Կրակել և վնասել էր համաքաղաքացու առանձնատան դուռը

Կրակել և վնասել էր համաքաղաքացու առանձնատան դուռը

Հոկտեմբերի 24-ին ոստիկանության Նաիրիի բաժին զանգած 74-ամյա տղամարդը հայտնել էր, որ իր տան ուղղությամբ կրակել են, խնդրել էր ոստիկան մոտենա: Ոստիկանության Նաիրիի բաժնի օպերատիվ խումբը մեկնել է նշված հասցե: Պարզվել է, որ հոկտեմբերի 23-ի ժամը 23.00-ից հոկտեմբերի 24-ի ժամը 09.00-ն ընկած ժամանակահատվածում անհայտ անձը որսորդական հրացանից կրակել և վնասել է Եղվարդ քաղաքի Կոմիտասի փողոցի նշված առանձնատան 2-րդ հարկի դուռը՝ պատճառելով մոտ 90 000 դրամի վնաս:
Ձեռնարկված միջոցառումների արդյունքում բաժնի քրեական հետախույզները պարզել են արարքը կատարողի ինքնությունը: Եղվարդ քաղաքի 36-ամյա բնակիչը բացատրական աշխատանքի արդյունքում ներկայացել է ոստիկանության Նաիրիի բաժին՝ ներկայացնելով որսորդական ողորկափող հրացանը:
Կազմված փաստաթղթերն ուղարկվել են Նաիրիի քննչական բաժին:

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: