Ավագ դպրոցների սովորողների այցը ոստիկանության Կրթահամալիր (ՏԵՍԱՆՅՈՒԹ)

Հունվարի 25-ին, ոստիկանության անչափահասների գործերով և ընտանիքում բռնության կանխարգելման ծառայության աշխատակիցների նախաձեռնությամբ, Շենգավիթի համար 46 և Մալաթիա-Սեբաստիայի համար 184 ավագ դպրոցների աշակերտները հյուրընկալվեցին ոստիկանության կրթահամալիրում։
Դպրոցականները շրջեցին կրթահամալիրի տարածքում, ծանոթացան գործունեությանն ու կրթական մեթոդաբանության առանձնահատկություններին։ Ոստիկանները նրանց ուղեկցեցին կրթահամալիրում գտնվող ոստիկանության պատմության թանգարան, ապա՝ Սուրբ Վարդան մատուռ։
Ոստիկանական զենքերին և դրանց հետ վարվելու անվտանգության կանոններին դպրոցականները ծանոթացան կրթահամալիրի հրաձգարանում։
Այցելության ընթացքում ստացած դրական տպավորությունների և կրթահամալիրի սովորողների ու առօրյայի հետ անմիջական շփման արդյունքում, դպրոցականներից մի քանիսը ցանկություն հայտնեցին քաղաքացիական բուհերում բարձրագույն կրթություն ստանալու փոխարեն անպայման դիմել ոստիկանության կրոահամալիր։
Նմանօրինակ այցելությունները լինելու են շարունակական։