Կողոպտիչը հայտնաբերվեց և ձերբակալվեց

Օգոստոսի 19-ին ոստիկանության Կենտրոնականի բաժնում հաղորդում էր ստացվել անհայտ անձի կողմից Գ. Լուսավորչի փողոցի և Արշակունյաց պողոտայի խաչմերուկի մոտից Հրաչյա Մ.-ի հեծանիվը բացահայտ հափշտակելու մասին:
Ոստիկանության ծառայողներն իրացնելով ստացված օպերատիվ տվյալները՝ օգոստոսի 27-ին, ժամը 23-ին, Մարգարյան փողոցի թիվ 37 շենքի մոտից, նշված կողոպուտը կատարելու կասկածանքով, բերման են ենթարկել 1997 թ. ծնված Գարիկ Ա.-ին: Նա խոստովանել է, որ հանցագործությունը կատարել է ինքը:
Գարիկ Ա.-ն ձերբակալված է:
Կատարվում է քննություն: