Հետախուզվողը հայտնաբերվեց ոստիկանների համատեղ միջոցառումների արդյունքում

Ոստիկանության ՔՈԳՎ, Երևան քաղաքի վարչության, Մալաթիայի բաժնի և ՊԾ ծառայողների համատեղ ձեռնարկած միջոցառումների շնորհիվ հունվարի 15-ին, ժամը 03.10-ին, Տիգրան Մեծի պողոտայի և Նար-Դոսի փողոցի խաչմերուկից Երևան քաղաքի վարչություն բերման է ենթարկվել 30-ամյա Զաքար Հ.-ն, որը ոստիկանության Արաբկիրի բաժնի կողմից հետախուզվում էր ՀՀ քրեական օրենսգրքի 266-րդ (Թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելը) և 316-րդ (Իշխանության ներկայացուցչի նկատմամբ բռնություն գործադրելը) հոդվածների մեղադրանքով:
Խափանման միջոցը՝ կալանք:
Զաքար Հ.-ն ներկայացվել է նախաքննական մարմնին: