Հայաստանի Հանրապետությունում Ինտերպոլի ազգային կենտրոնական բյուրոն 20 տարեկան է
05.10.2012 19:18
Համակարգի լրատու
![Հայաստանի Հանրապետությունում Ինտերպոլի ազգային կենտրոնական բյուրոն 20 տարեկան է Հայաստանի Հանրապետությունում Ինտերպոլի ազգային կենտրոնական բյուրոն 20 տարեկան է](/timthumb?src=/resources/police/img/news/big/1349450559,4605.jpeg&q=75&w=780&wm=1)
Քսան տարի առաջ Հայաստանի Հանրապետությունն ամդամակցեց Քրեական ոստիկանության միջազգային կազմակերպությանը` Ինտերպոլին: Այսօր արդեն Հայաստանի Հանրապետությունում Ինտերպոլի ազգային կենտրոնական բյուրոն ոչ միայն տարածաշրջանի, այլեւ Քրեական ոստիկանության միջազգային կազմակերպության լավագույն կառույցներից է:
Հոկտեմբերի 5-ին Հայաստանի Հանրապետությունում Ինտերպոլի ազգային կենտրոնական բյուրոն նշեց իր 20-ամյա հոբելյանը: Հանդիսավոր միջոցառմանը մասնակցում էին ոստիկանության բարձրաստիճան պաշտոնյաներ, հյուրեր:
Ինտերպոլի ազգային բյուրոյի պետ, ոստիկանության փոխգնդապետ Արա Ֆիդանյանն իր ելույթում ներկայացրեց կառույցի 20-ամյա ուղին՝ նշելով, որ այսօր ԱԿԲ-ն պարզապես պարտավոր է հավատարիմ մնալ ավանդույթ դարձած սկզբունքներին ու գործելաոճին:
Գործընկերներին շնորհավորեց նաեւ ոստիկանության շտաբի պետ, ոստիկանության գեներալ-մայոր Վարդան Եղիազարյանը:
ՀՀ-ում Ինտերպոլի ԱԿԲ-ի 20-ամյա տարեդարձի կապակցությամբ ոստիկանության պետի եւ Կոլեգիայի անունից շնորհավորանքով հանդես եկավ ոստիկանության պետի առաջին տեղակալ, ոստիկանության գեներալ-մայոր Հունան Պողոսյանը:
Ոստիկանության պետ, գեներալ-լեյտենանտ Վլադիմիր Գասպարյանի հրամանով Հայաստանի Հանրապետությունում Ինտերպոլի ԱԿԲ-ի մի խումբ աշխատակիցներարժանացան խրախուսանքների:
![](/images/05-10-2012-16.jpg)