Գլխավոր էջ
ՆՈՐՈՒԹՅՈՒՆՆԵՐ
Ընտրություններ
Հայտարարություն. ՀՀ ոստիկանության պաշտոնական կայքէջում ՀՀ ընտրողների ցուցակը տեղադրված է ներբեռնելու հնարավորությամբ

Հայտարարություն. ՀՀ ոստիկանության պաշտոնական կայքէջում ՀՀ ընտրողների ցուցակը տեղադրված է ներբեռնելու հնարավորությամբ

09.01.2013 09:05 Ընտրություններ

Հարգելի քաղաքացիներ, ընտրողների ցուցակում Ձեր և այլ անձանց տվյալները ստուգելու նպատակով կարող եք այցելել www.elections.am և www.police.am համացանցային կայքեր կամ տեղամասային կենտրոններ: Ընտրողների ցուցակում անճշտություններ հայտնաբերելիս, դրանք վերացնելու համար, մինչև 2013 թ. փետրվարի 13-ը կարող եք դիմում ներկայացնել Հայաստանի Հանրապետության ոստիկանության անձնագրային և վիզաների վարչություն կամ Ձեր հաշվառման վայրի անձնագրային ծառայություն: Անձնագրային ծառայությունը դիմումը ստանալուց հետո` 5 օրվա ընթացքում, սակայն քվեարկության օրվանից ոչ ուշ, քան 4 օր առաջ, ՀՀ ընտրական օրենսգրքով սահմանված բավարար հիմքերի առկայության դեպքում ընտրողների ցուցակում կատարելու է անհրաժեշտ փոփոխություններ կամ ուղղումներ` այդ մասին գրավոր տեղեկացնելով Ձեզ:

www.elections.am համացանցային կայքում հրապարակված ընտրողների ցուցակը տեղադրվել է որոնման, իսկ www.police.am կայքում` ներբեռնելու հնարավորությամբ:

Հիշեցնում ենք, որ ընտրողների ցուցակում ընդգրկվում են քվեարկության անցկացման օրը 18 տարին լրացած և բնակչության պետական ռեգիստրում հաշվառում ունեցող Հայաստանի Հանրապետության քաղաքացիները:

Հարցեր առաջանալու դեպքում կարող եք զանգահարել 010-53-32-73 հեռախոսահամարով:

ՀՀ ոստիկանություն

Հայտարարություն. ՀՀ ոստիկանության պաշտոնական կայքէջում ՀՀ ընտրողների ցուցակը տեղադրված է ներբեռնելու հնարավորությամբ

ՀԻՄՆԱԿԱՆ