Մաշտոցի բաժնի ոստիկանները հետախուզվողին հայտնաբերեցին Գավառում
![Մաշտոցի բաժնի ոստիկանները հետախուզվողին հայտնաբերեցին Գավառում Մաշտոցի բաժնի ոստիկանները հետախուզվողին հայտնաբերեցին Գավառում](/timthumb?src=/resources/police/img/news/big/1685781321-7062.jpeg&q=75&w=780&wm=1)
Ոստիկանության Մաշտոցի բաժնի քրեական հետախույզները, իրացնելով օպերատիվ տվյալները, հունիսի 2-ին Գավառ քաղաքի Հ. Աբրահամյան փողոցի հասցեներից մեկում հայտնաբերել, ձերբակալել և Մաշտոցի բաժին են տարել 24-ամյա Մերուժան Հ.-ին, որը ապրիլի 21-ից Մաշտոցի բաժնի կողմից հետախուզվում էր ՀՀ քրեական օրենսգրքի 344-րդ հոդվածի (Տրանսպորտային միջոցներ վարելու իրավունքից զրկված կամ այդ իրավունքը կասեցված անձի կողմից տրանսպորտային միջոցներ վարելը կամ այդ անձի կամ տրանսպորտային միջոցներ վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ բացակայելու արգելք:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: