Մարտունու ոստիկանները հետախուզվողին հայտնաբերեցին Մասիսում

ՆԳՆ ոստիկանության Մարտունու բաժնի քրեական հետախույզների ձեռնարկած օպերատիվ-հետաուզական միջոցառումների արդյունքում հունվարի 5-ին Մասիս քաղաքի 3-րդ թաղամասի շենքերից մեկում հայտնաբերվել և Մարտունու բաժին է տեղափոխվել 30-ամյա Նվեր Հ.-ն: Նա 2023 թ. դեկտեմբերի 29-ից հետախուզվում էր ՀՀ քրեական օրենսգրքի 344-րդ հոդվածի (Տրանսպորտային միջոցներ վարելու իրավունքից զրկված կամ այդ իրավունքը կասեցված անձի կողմից տրանսպորտային միջոցներ վարելը կամ այդ անձի կամ տրանսպորտային միջոցներ վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն:
Նվեր Հ.-ն ներկայացվել է նախաքննական մարմին: