Հայտնաբերվել և կամավոր ներկայացել են հետախուզվողներ

Ոստիկանության Էրեբունու բաժնի և ԼՂՀ ոստիկանության Ստեփանակերտ քաղաքի վարչության, Հադրութ քաղաքի շրջանային բաժնի ծառայողների ձեռնարկած օպերատիվ-հետախուզական միջոցառումների շնորհիվ, հուլիսի 26-ին, ժամը 9.10-ին, Հադրութ քաղաքի Ա.Կասպարովի փողոցի թիվ 4 շենքի մոտից բերման է ենթարկվել 1950 թ. ծնված Ռազմիկ Մ.-ն, որը հունիսի 7-ից հետախուզվում էր ՀՀ քրեական օրենսգրքի 178 հոդվածի (խարդախությունը) 3-րդ մասի 1-ին կետի և 182 հոդվածի (շորթումը) 1-ին մասի մեղադրանքներով:

***

Ոստիկանության Էրեբունու բաժնի և ԼՂՀ ոստիկանության Ստեփանակերտ քաղաքի վարչության ծառայողների ձեռնարկած օպերատիվ-հետախուզական միջոցառումների շնորհիվ, հուլիսի 26-ին, ժամը 16.00-ին, ԼՂՀ Ստեփանակերտ քաղաքի Հեքիմյան փողոցից բերման է ենթարկվել 1962 թ. ծնված Կառլոս Հ.-ն, որը հունիսի 30-ից հետախուզվում էր ՀՀ քրեական օրենսգրքի 355 հոդվածի (Փախուստն ազատազրկման վայրից, կալանավորվածներին պահելու վայրից կամ ձերբակալվածներին պահելու վայրից) 1-ին մասի մեղադրանքով:

***

Ոստիկանության Շենգավիթի ծառայողների բացատրական աշխատանքների շնորհիվ, հուլիսի 26-ին, ժամը 11.00-ին, կամավոր Շենգավիթի քննչական բաժին է ներկայացել 1965 թ. ծնված Սամսոն Ս.-ն, որը հունիսի 27-ից հետախուզվում էր ՀՀ քրեական օրենսգրքի 311 հոդվածի (կաշառք ստանալը) 3-րդ մասի 3-րդ կետի և 314 հոդվածի (պաշտոնեական կեղծիքը) 1-ին մասի մեղադրանքներով:

***

Ոստիկանության Նոր նորքի բաժնի ծառայողների բացատրական աշխատանքների շնորհիվ, հուլիսի 26-ին, ժամը 10.30-ին, Թբիլիսի-Երևան թիվ 2725 չվերթի ինքնաթիռի ժամանումից հետո, «Զվարթնոց» օդանավակայանից կամավոր Նոր նորքի բաժին է ներկայացել 1965 թ. ծնված Արման Վ.-ն, որը 2016թ. ապրիլի 15-ից ոստիկանության Կենտրոնականի բաժնի կողմից հետախուզվում էր ՀՀ քրեական օրենսգրքի 314 հոդվածի (պաշտոնեական կեղծիքը) մեղադրանքով:

***

Բացատրական աշխատանքների շնորհիվ, հուլիսի 26-ին, ժամը 10.50-ին, ոստիկանության քրեական հետախուզության գլխավոր վարչություն է կամավոր ներկայացել 1982 թ. ծնված Դենիս Ս.-ն, որը 2016թ. հունվարի 19-ից ՌԴ ՆԳՆ Մոսկվա քաղաքի ՆԳԳՎ Կենտրոնական վարչական տարածքի ՆԳՎ կողմից հետախուզվում էր ՌԴ քրեական օրենսգրքի 172 հոդվածի 2-րդ մասի (անօրինական բանկային գործունեություն) մեղադրանքով:

***

Ոստիկանության Արտաշատի բաժնի ՊՊԾ ծառայողների ձեռնարկած միջոցառումների և բացատրական աշխատանքների շնորհիվ, հուլիսի 25-ին, ժամը 22.45-ին Բագրատաշենի մաքսային անցակետում հայտնաբերվել և հուլիսի 26-ին, ժամը 9.50-ին, բաժին է տեղափոխվել 1986 թ. ծնված Գագիկ Հ.-ն, որը 2016թ. նոյեմբերի 22-ից ոստիկանության Կենտրոնական բաժնի կողմից հետախուզվում էր ՀՀ քրեական օրենսգրքի 178 հոդվածի (խարդախությունը) 2-րդ մասի 2-րդ կետի մեղադրանքով:

***

Ոստիկանության Մուշի բաժնի ծառայողների ձեռնարկած միջոցառումների շնորհիվ, հուլիսի 26-ին, ժամը 17.40-ին, «Զվարթնոց» օդանավակայանից բերման է ենթարկվել Կիև-Երևան չվերթի ինքնաթիռով ՀՀ ժամանած, 1987 թ. ծնված Արման Գ.-ն, որը 2013 թ. օգոստոսի 23-ից հետախուզվում էր ՀՀ քրեական օրենսգրքի 325 հոդվածի (փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշեր կեղծելը, իրացնելը կամ օգտագործելը) 1-ին մասի և 327 հոդվածի 2-րդ մասի մեղադրանքներով:

***

Ոստիկանության Սիսիանի բաժին է հրավիրվել 1970 թ. ծնված Հրայր Հ.-ն և կատարված ստուգումների արդյունքում պարզվել է, որ նա ս/թ հունվարի 27-ից ՌԴ Կալուգայի մարզի Կալուգա քաղաքի իրավապահների կողմից հետախուզվում էր ՌԴ քրեական օրենսգրքի 264.1 հոդվածի (ալկոհոլ օգտագործած վիճակում ավտոմեքենա վարելը) մեղադրանքով: